Tu reh le chaar-diwari mein,
Sansaar to teraa mein hi hun,
Tu bhale bhadakti agni ho,
angaar to teraa mein hi hun,
Tu abhivyakti hai kavita ki,
par saar to teraa mein hi hun,
Tu nav-vivaahita dulhan si,
shrangaar to teraa mein hi hun,
Tanhai mein kumhalaya hua,
rukhsaar to tera mein hi hun,
Tu laakh chura nazrein mujhse,
Aur laakh bhale inkaar tu kar,
Par aaj ye tujhse kehta hun,
Ki pyaar to tera mein hi hun.
Haan pyaar to tera mein hi hun.
.
